Afin Məhəmməd oğlu Nazarov 1962-ci il iyunun 5-də Bolnisi rayonunun Saraçlı kəndində ziyalı ailəsində anadan olmuşdur. 1979-cu ildə Saraclı kənd orta məktəbini, 1984-cü ildə Bakı Dövlət Universitetinin fizika fakültəsini müvəffəqiyyətlə bitirmişdir. Həmin ildən e’tibarən Azərbaycan EA-nın Fotoelektronika İnstitutunda çalışır. 1999-cu ildə "TlIn1-xPrxS2(0 ? x ? 0,1) bərk məhlulları və onların elektrofiziki xassələri" mövzusunda namizədlik dissertasiyası müdafiə edərək fizika-riyaziyyat elmləri namizədi elmi dərəcəsi almışdır. Afin Nəzərovun elmi pedaqoji fəaliyyəti 25 elmi əsərdə və 1 ixtirada öz əksini tapmışdır. O, 5 beynəlxalq və respublika səviyyəli elmi konfranslarda çıxış edib, elmi məqalələr çap etdirmişdir.
|