Hüseyn Mustafa oğlu Musayev 1947-ci il mayın 1-də Bolnisi rayonunun Saraclı kəndində anadan olmuşdur. Orta təhsilini 1954-1965- illərdə kənd məktəbində təhsil almışdır. O, Saraclı məktəbinin ilk qızıl medal alan mə’zunu olmuşdur. 1965-ci ildə Azərbaycan Dövlət Universitetinin mexanika-riyaziyyat fakültəsinə daxil olmuş, 1970-ci ildə ali təhsilini başa vurduqdan sonra hərbi xidmətə çağırılmışdır. Elmi fəaliyyətinə 1972-ci ilin sentyabr ayından Azərbaycan Elmlər Akademiyasının Kibernetika İnstitutunda kiçik elmi işçi kimi başlamış, 1982-ci ildən isə paralel olaraq həm də Azərbaycan Dövlət Neft Akademiyasında pedaqoji fəaliyyətlə məşğul olmuşdur. 1985-ci ildə "Çoxfazalı süzülmə məsələlərinin dəyişən şəbəkələrdə ədədi həlli" mövzusunda dissertasiya müdafiə etmiş, fizika-riyaziyyat elmləri namizədi elmi dərəcəsi almışdır. Uzun müddət Azərbaycan EA Kibernetika İnstitutunda "Ədədi modelləşdirmənin üsul və alqoritmləri" bölməsinə rəhbərlik etmiş və 40-a qədər elmi əsərin müəllifidir. Hüseyn
Mustafa oğlu Musayev uzun sürən ağır xəstəlikdən sonra 2000-ci ilin 29 yanvar
tarixində Bakı şəhərində vəfat etmişdir.
Allah rəhmət eyləsin.
|