Hüseyn Namaz oğlu Qurbanov 1948-ci ildə Bolnisi rayonunun Saraçlı kəndində anadan olmuşdur. 1954-1965-ci illərdə kənd orta məktəbində təhsil almışdır.
Məktəbi gümüş medalla bitirdikdən sonra 1965-ci ildə Azərbaycan Dövlət Universitetinin kimya fakültəsinə daxil olmuş, 1970-ci ildə fərqlənmə diplomu ilə bitirmiş, tə’yinatla 2 il müəllim işləmişdir.
1972-ci ildən 1983-cü ilədək Azərbaycan Elmlər Akademiyasının Neft-Kimya Prosesləri İnstitutunda çalışmışdır. 1983-1986-cı illərdə həmin institutunun aspiranturasında oxumuş, 1988-ci ildə "Sintetik neopolyolların mürəkkəb efirlərinin sintezi, onların sürtkü materiallarının əsası və komponent kimi tədqiqi" mövzusunda dissertasiya müdafiə edib kimya elmləri namizədi elmi dərəcəsi almışdır. 1989-cu ildən "Sintetik sürtkü yağlarının sintezi və texnologiyası" laboratoriyasında baş elmi işçi vəzifəsində çalışır. 35 elmi əsərin, 4 patentin müəllifidir. 10-dan çox ittifaq və respublika konfranslarında iştirak edərək, elmi məqalələr çap etdirmişdir.
Bütün deyilənlərlə yanaşı Hüseyn müəllimin apardığı məqsədyönlü tədqiqat işlərinin yekunu olaraq o Neft Kimya Prosesləri İnstutunun elmi şurasına 2007-ci ildə çoxatomlu Spirtlərin mürəkkəb efirlərin yeni perspektiv sürtgü yağlarının əsası və kompenenti kimi mövzusunda doktorluq işini müdafiə etmiş elə həmin ildə kimya elmləri doktoru alimlik dərəcəsi almışdır.
Onun rəhbərliyi altında xeyli sayda aspirant və dissertantların yetişdiyini nəzərə alaraq ona professor elmi adı verilmişdir.
Hazırda Hüseyn müəllim dünyanin 30-a yaxın ölkələrinin alimləri ilə fikir mübadiləsi və əməkdaşlıq edir müxtəlif beynəlxalq konfrans və simpozumlara dəvət alır.
|