80.Əbəsə ( Qaşqabağını tökdü ) - QURAN KƏRIM - Məqalələr - SARAÇLILAR
SARAÇLILAR Cümə, 09.12.2016, 03:55
BORÇALI. SARAÇLI KƏNDİNİN SAYTINA XOŞ GƏLDİNİZ | QONAQ | RSS
ANA MENYU

STATİSTİKA

ONLAYNDA: 1
QONAQ: 1
İSTİFADƏÇİ: 0

SAYTLAR
  • XANQIŞLAĞI
  • GECƏGÖZLÜ
  • MƏNİM SERİALIM
  • FİLİMLƏR
  • SAYT DÜZƏLT
  • HAMSI VEB-USTASI ÜÇÜN
  • HAMI ÜÇÜN PROQRAMLAR
  • ƏYLƏNCƏ DÜNYASI
  • ƏN YAXŞI SAYTLAR
  • KULİNARİYA RESEPTLƏRİ

  • Block title

    AVROPA RADİOSU

    VALYUTA
     Valyuta məzənnəsi

    ANA SƏHFƏ » MƏQALƏLƏR » QURAN KƏRIM [ MƏQALƏ ƏLAVƏ ET ]

    80.Əbəsə ( Qaşqabağını tökdü )
    80 - Əbəsə     عبس
    Əbəsə (Qaşqabağını tökdü) surəsi
    (Məkkədə nazil olmuşdur, 42 ayədir)

    Mərhəmətli, rəhmli Allahın adı ilə!

    1 - (Peyğəmbər) qaşqabağını töküb üzünü çevirdi.

    2 - Yanına korun (Abdullah ibn Ümmi-Məktumun) gəlməsindən dolayı.

    3 - Nə bilirsən, bəlkə də, o (səndən islama dair soruşub öyrənəcəkləri ilə) təmizlənəcəkdir!

    4 - Yaxud öyüd dinləyəcək və bu öyüd ona fayda verəcəkdir!

    5 - (Var dövlətinə güvənib sənin öyüd-nəsihətinə qulaq asmağa) ehtiyac hiss etməyənə (dövlətliyə) gəldikdə,

    6 - Sən üzünü ona tərəf çevirirsən (onun sözünə qulaq asırsan).

    7 - Onun (küfrdən) təmizlənməsindən sənə nə?!

    8 - Yüyürə-yüyürə sənin yanına gələn

    9 - Və (Allahdan) qorxan kimsəyə gəldikdə isə,

    10 - Sən ondan üz çevirirsən!

    11 - Xeyr! (Belə yaramaz, bir daha belə etmə). Həqiqətən, bu (ayələr) bir öyüd-nəsihətdir.

    12 - Kim istəsə, ondan öyüd alar.

    13 - (Bu Quran Allah dərgahında) çox möhtərəm (mötəbər) səhifələrdə -

    14 - (Qədir-qiyməti) yüksək (şanı uca), tərtəmiz səhifələrdədir (Şeytan onlara toxuna bilməz).

    15 - (O, Allahla peyğəmbərlər arasında olan) elçi mələklərin əlləri ilə (lövhi-məhfuzdan köçürülür, yaxud o, elçi mələklərə etibar edilmişdir).

    16 - (O mələklər ki, Allahın yanında) çox möhtərəm, (Allaha) çox mütidirlər.

    17 - Ölsün (kafir) insan! O nə nankordur!

    18 - (Bu təkəbbür onda hardandır? Allah) onu hansı şeydən yaratdı?

    19 - (Allah onu bir qətrə dəyərsiz) nütfədən yaratdı, ona biçim verdi.

    20 - Sonra onun üçün (ana bətnindən çıxış) yolunu asanlaşdırdı.

    21 - Sonra onu öldürüb qəbrə qoydu.

    22 - Sonra da istədiyi vaxt onu dirildəcəkdir.

    23 - Xeyr, (insan Allahın) ona buyurduğunu hələ yerinə yetirməmişdir.

    24 - İnsan hələ bir yeməyinə baxsın! (Görsün ki, ona necə ruzi verdik).

    25 - Həqiqətən, Biz yağışı bol yağdırdıq.

    26 - Sonra yeri gözəl yaratdıq (yaxşı yardıq),

    27 - Belə ki, orada dən (dənli bitkilər) göyərtdik;

    28 - Üzüm və yonca;

    29 - Zeytun və xurma (bağları);

    30 - (Ağacları bir-birinə) sarmaşan bağçalar;

    31 - (Növbənöv) meyvələr və ot (ələf) yetişdirdik.

    32 - (Bütün bunlar) sizin və heyvanlarınızın istifadəsi üçündür!

    33 - Nəhayət, qulaqları kar edən (o dəhşətli səs) gələndə (İsrafil surunu çalanda);

    34 - O gün insan qaçacaq öz qardaşından;

    35 - Anasından, atasından;

    36 - Zövcəsindən və oğullarından!

    37 - O gün onlardan hər birinin istənilən qədər işi olacaqdır! (Hər kəs öz hayında olacaq, heç kəs heç kəsin halından xəbər tutmayacaqdır).

    38 - O gün bir çox üzlər parlayacaq,

    39 - Güləcək, sevinəcəkdir.

    40 - O gün bir çox üzlərə isə toz-torpaq qonacaq,

    41 - Onları zülmət (yaxud his) bürüyəcəkdir.

    42 - Onlar (pis əməllərə uyan) kafirlər, pozğunlardır!
     
    KATEQORİYA: QURAN KƏRIM | ƏLAVƏ ETDİ: QIKO (16.09.2010)
    BAXILDI: 204
    BÜTÜN RƏYLƏR: 0
    YALNIZ QEYDİYYATDAN KEÇMİŞ İSTİFADƏÇİLƏR RƏYİNİ BİLDİRƏ BİLƏR
    [ qeydiyyat | giriş ]
    DAXİL OL

    SAYTDA AXTAR

    BİZİMLƏ OLUN

    BİZİM SORĞU
    YALNIZ KƏNDDƏ YAŞAYAN SARAÇLILAR ÜÇÜN YARDIM FONDU YARATMAĞA DƏYƏRMI (Yoxsa sorğudan qoruxurlar)
    Cavablar: 127
    < HAVA > Прогноз погоды в городе Баку Прогноз погоды в городе Гянджа Прогноз погоды в городе Сумгаит Weather forecast for Nakhchivan

    ONLAYN OYUN
  • ONLAYN OYUNLARI

  • SARAÇLILAR © 2016                    055 584 04 52
            

     WoSoft.ru - программы для всех