Sazım
Genişdir sinəsi söz meydanında
Həmişə könüllər alandı sazım
Ağardıb üzümü ellər yanında
Gözəl el havası çalandır sazım
Qəribi vaxtında yara yetirən
Oğul evləndirən, gəlin gətirən
Kamil ustalardan dərsin götürən
Ələsgəri yada salandı sazım.
Məndən üz çevirib ayrılmaz bir an
Yaxşıya yaxşıdır, yamana-yaman
Kərəmin eşqindən alışıb yanan
Hüseynin dərdinə qalandı sazım
|